فضفضة مع رومنسى

[CENTER][/CENTER]

[CENTER]بصوا بقى يا جماعة انا هحكيلكم عن موضوع حصلى وانا لحددلوقتى متأذم قوى وزعلان من نفسى ومش عارف انا كنت غلطان لما عملت كدة ولا لاء انتو الى تحكموا بقى ......!

اتعرفت عليها عن طريق واحد صاحبى هيا كانت بنت جميلة قوى فى كل حاجة شكلها اخلاقها وعقلها كل حاجة اتعرفنا على بعض وبقينا اصحاب واتطورت علاقتنا كل يوم بقينا منقدرش نستغنى عن بعض فى اى حاجة اليوم الى كنت مش بشوفها فية كنت ببقى مضايق طول اليوم ومش عاوز اكلم حد خالص وهيا كمان اليوم الى مكنتش بتشوفنى فية كان مبيتحسبش من عمرها زى ما كانت بتقولى احنا كنا اصحاب الى يسمع الكلام دة يقول اننا كنا بنحب بعض والى يشوفنا كمان مع بعض يقول كدة بس الحقيقة انى انا مكنتش بقدر استغنى عنها خالص وكل خطوة كنت بمشيها لازم بتبقى بعد مشورة منها وكتير قوى كانت بتبقى معايا فيها وكل دة كان بردة على سبيل الصداقة انا مش عارف جايز كان حب بس بالنسبالى انا مكنتش بحبها الحب الى ما بين ولد وبنت دة الحب العاطفى يعنى انا كنت اة مش بقدراستغنى عنها وعايزها معايا على طول ومش اقدر اعيش من غيرها بس بردة مش الحب الى الناس فهماة ودة الى هتعرفوة من باقى الكلام.....

المهم عدت الايام وكل يوم نشوف بعض فية ونقعد ما بعض من اول الساعة 8 الصبح لحد الساعة 6 مساءا كل يوم فى الكلية طبعا كل الى يشوفنا يقول بنحب بعض وحتى اصحابنا القريبين قوى مننا كان بيعاملونا على اننا اتنين بيحبوا بعض وانا كل ما حد يسألنى اقولة لا احنا مجرد اخوات وهيا كمان بس انا كنت اعرف كل حاجة عنها ودرجة قربنا من بعض كانت جامد قوى لدرجة انى كنت بعرف هيا عايزة تقولى اية من قبل ما تتكلم وهيا كمان بعد الحاح كبير قوى من اصحابنا وخصوصا البنات كل شوية يقولولى يا ابنى دى بتحبك احنا متأكدين بس هيا مش عاوزة تقولك لاتخسرك عشان انت بتقول انكم مجرد اخوات وكدة ... فكرت كتير قوى فى الموضوع وقولت اتأكد انا بطريقتى اذا كانت بتحبنى ولا لاء من قبل ما اسالها انا كنت حاكيلها على بنت انا كنت معجب بيها هياكانت معانا فى الكلية بس فى كلية تانية كانت فى تربية وانا كنت فى حقوق المهم روحت فى يوم للبنت دى وقعدت طول النهار او معظمة معاها نتكلم ونتضحك وجيبتها عشان تتعرف على اصحابى ومن ضمنهم البنت الى انا بتكلم عنها عشان اقدر اراقب تصرفاتها من قريب بس من غير ما تاخد بالها وقلى خوفت منة لقيتة.......!
طلعت بتحبنى زى ما كانوا اصحابنا بيقولوا فكرت فى الموضوع وقولت اكيد انا كمان بحبها بس مش حاسس بدة عشان انا قريب منها فقررت ابعد شوية قعدت حوالى اسبوعين مروحش الكلية وقفلت الموبيل ومحدش يعرف عنى حاجة وقولتلهم قبلها انى مسافر على اساس اشوف هقدر استحمل بعدى عنها ولا لاء وطول الوقت دة بجد كنت بتعذب انى بعيد عنها وبعد تفكير كبير روحت واعترفتلها انى بحبها وهيا كمان قالتلى انها كانت بتحبنى من زمان حتى من قبل ما نتعرف على بعض وانها اتعرفت على صاحبى مخصوص عشان خاطر توصلى ...
المهم طبعا كلام حب ومكامات تليفون وكدة وانتوا اكيد فاهمين او يوم كنت حاسس ان الدنيا كلها مش سايعانى زى ما بيقولوا ونفسى اخد نجوم السما واديهالها بس بعد كدة لقيتنى مش حاسس باى كلمة بقولها ليها وحاسس ان الكلام بقولة بس مش مقتنع بية ومع العلم انها قالتلى كلمة لحد دلوقتى انا مش قادر انساها ...
قاتللى يا محمد لو حسيت فى يوم من الايام انك بطلت تحبنى لازم تقولى؟؟؟؟؟؟
وفعلا الكلمة دارت فى دماغى ولانى حاسس قوى بيها وليها معزة خاصة عندى محبتش اخدعها وفضلت انى اقولها نصحونى اصدقائى الى انا اتكلمت معاهم انى معملش كدة وبرغم ذلك روحت وقولتلها و مقدرش اوصفلكم كان شكلها عامل ازاى لما قولتلها انهارت من البكاء وحسيت فى الوقت دة انى انسان معنديش احساس ولا دم بس هيا قالتلى كلمة لسة فى دماغى لحد دلوقتى وهيا ## انا مش عاوزة اخسرك يا محمد##
بس انا حسيت انى قربى منها هيعزبنى ويعزبها وقولت انى ابعد عنها احسن هتتعزب شوية بس اكيد هتقدر تنسانى وقررت انى لازم ابعد عنها حاولت بكل الطرق تتقرب منى وتسال عنى لكن انا مكنتش بديها فرصة وكنت بعاملها معاملة غير الى كانت بينا قبل كدة وكنت بتعزب والله العظيم وانا بعمل كدة بس انا كنت عاوزها تكرهنى عشان خاطر تنسانى انا عارف انى غلطت ان دلوقتى بتعزب جدا وبقول يا ريتنى ما عملت كدة لما عرفت بعد كدة انها اتخطبت زعلت قوى وتقريبا انهارت بس بعد كدة فكرت وقولت انا السبب انا الى استاهل بس انا بجد بتمنالها الخير من كل قلبى مع الانسان الى ارتبطتت بية .....

معلش طولت عليكوا وبجد دى قصة حقيقية وانا ما اخترعتش اى كلمة او حدث فيها [/CENTER]

موضوع جميل وفكرة رائعة

فكره حلوة اوى ميرسى عليها ياحمادة والى المزيد من الابداع دايما

شكرااااااااااااااااااااااااا

ميرسى على الموضوع

انا فعلا حاسس بيك يا محمد بس برضو زى ما انت قولت انت غلطان
وانا مش بأنبك لا بس ربنا معاك
تقبل مرورى اخوك حسنى السبال

بص يا محمد انت مفيش زيك كتير
انت قلت اللى حسيته
بس كان لازم تبعد شويه وتحاول تتقرب منها تانى اكنك بتعرفها من جديد علشان الحب يتجدد
بص اللى حصل حصل
ويمكن دى مش نصيبك
ده الكلام التقليدى
رايى انا بقى
دور ع الحب متستناش انه يجيلك الحب ده افعى وبتلسع بس لسعتها بتخليك سعيد
حاول تانى وجرب تانى
الحياه مبتقفش علشان اى جرح من الحب
ويمكن اللى تقابلها بعد كده تخليك اسعد مخلوق وتندم انك عرفت حد قبليها