كورس منشتطات شعبي انا الى عامله واتحدى اى حد يقول انه مش هيذود معاك بصوره ملحوظه

الديكا منشط لبناء العضله هو ضعيف اندروجينيا لاكنه منشط جيد لبناء العضله علشان تقدر تستفيد من الديكا لبناء العضل حاول يبقي معاها سعرات حراريه وبروتين وفيتامينات
اي ان كان مصدرها من الاكل او مكملات ولو انه يفضل طبعا مكملات لانها هتديلك الي انت عاوزه وبالكميه الي انت عاوزها طبعا الماده الفعالة للديكا اسمها ديكانوات النادرلون
طبعا شغلها علي اختزان النتروجين في الخليه واحداث توازن نيتروجيني التوازن ده بيخلي الخليه تستوعب بروتين اكتر علشان كده بقول لازم تاخد معاها بروتين كفايه طبعا الديكا فيها مشكله معروفه لناس كتير الي هي انها بتحبس المياه ودي مشكلتها انها بتخلي اللاعب بعد الكورس بيفقد نسبه كبيره من الحجم الي بيعمله في الكورس مع ان في ناس بتعتبر العيب ده ميزه بس من وجهة نظر تانيه الي هي ان الديكا لما بتحجز المياه المياه دي بتعد بمثابة ملين او بالبلدي مزفلط للمفاصل فبتخلي اللاعب يقدر يلعب باوزن بدون ما توجعه مفاصله كمان لو في اصابه عنده مش بيحس بيها اوي وعلشان كده بتعتبر موضوع حبس المياه ميزه وعيب في نفس الوقت علي حسب الي بيستخدمها في حاجه مهمة بقا لازم تبقوا عارفينها عن كل منشط بتستخدمه الي هي فترة عمر النصف لان دي هي الي بتحدد اعلي تركيز للمنشط في جسمك هايبقي بعد اد ايه وفترة عمر النصف بالنسبه للديكا 15 يوم تقريبا يعني لو لاعب حقن نفسه ب 50 مج ديكا بعد 15 يوم الي هي فترة عمر النصف هايبقي تركيز الديكا في جسمه 25 مج ودي اعلي تركيز هاتوصله وبعد كده تقل للنصف بعد 15 يوم تانين يعني تبقي 12.5 مج وهكذا كل 15 يوم لما يجي لاعب يستخدم الديكا بيبقي في فرق بين لاعب مستواه مرتفع ولاعب مستواه مش مرتفع اوي فطبعا بتختلف الجرعه
ولاكن سواء مستوي جامد او مبتدا الجرعه مش بتقل عن 200 مج في الاسبوع وللمستوي المتقدم بتوصل 300 او 400 مج زي ما موجود في الكورسات الي في قسم الكورسات
طبعا الاعراض الجانبيه بتاعتها معروفه لكل الاعيبه الي زي ارتفاع ضغط الدم وحبوب الشباب وممكن تتحول لاستروجين وبتقلل انتاج التستوستيرون هي اعراض معروفه لجميع مستخدميها في حاجه عاوز اقولها في نهاية الحديث عن الديكا انها اثرها بيفضل في الجسم فتره طويله اوي حوالي سنه ونصف تقريبا يعني لو اتكشف عليك بعد سنه ونص من تعاطي الديكا هايقدروا يعرفوا انك واخد ديكا ودي مهمه علشان الابطال الدوليين في الالعاب الي زي المصارعه وماشابه بياخدوها بافترا وممكن يتكشف عليهم ويضيعوا نفسهم علي فكره الديكا الي موجوده في الصيدليات تركيزها 25 مج ودي طبعا ملناش دعوه بيها علشان احنا كلاعيبة كمال اجسام عاوزين الحاجات الشديده لان الكورس بتاعك بيبقي علي الاقل 200 مج في الاسبوع النوع التاني الي هو 50 مج وده الي احنا بنستخدمه كلاعيبة كمال اجسام وبتبقي علبه فيها امبول واحد وثمنها 8 جنيه في الصيدليه
وربنا يستر وبكده نبقي قدرت الم معلومات عن الديكا وبشكل مبسط سهل الفهم لكل الاعضاء المبتدا منهم والمتقدم في المره الي جايه ان شاء الله هاجيب معلومات عن منشط جديد ان شاء الله والله الموفق

















هناخد بقا المره دي منشط شعبي بردوه وكتير من اللاعيبه بيستخدمه لانه مشهور اوي ومعروف عنه انه بيعمل شغل جامد وبيدي باور عالي طبعا اكيد الناس كلها فهمت اني بتكلم عن السوستانون


السوستانون منشط اندروجيني قوي ودي الي بتخليه سريع في بناء العضلات والقوه لانه بيخلي اللاعب يرفع اوزان جامده في لاعيبه بتفضل السوستانون لسبب تاني وهو انه بيحبس مياه اقل من الديكا وبالتلي فبيبقي الحفاظ علي المكتسب العضلي من الكورس بعد مابيخلص بيبقي افضل من الديكا علي الرغم من ان الديكا بنائيه اكتر لما نيجي بقا للحاجه المهمه الي قلت عاوزين نعرفها عن كل منشط لانها مهمه والي هي فترة عمر النصف بالنسبه للسوستانون فترة عمر النصف من 15 الي 18 يوم وطبعا انا شرحت يعني ايه فترة عمر النصف في منشط الديكا بس لازم ناخد بالنا من حاجه مهمه اوي بالنسبه للسوستانون ان فيها اربع استرات بعكس الديكا فيها استر واحد لو قرات علي ظهر العلبه او في النشره الداخليه هتلاقي السوستانون 250 مج مقسمين كالاتي 30 مج تستوستيرون بربيونات و 60 مج تستوستيرون فينيل بروبيونات و 60 مج تستوستيرون ايزوكابروات و 100 مج تستوستيرون ديكانوات ولو جمعتهم هتلاقي مجموعهم 250 مج الي هو تركيز التستوستيرون في الامبول لكن المهم بقا في الموضوع ده ايه ان الاسترات المختلفه دي بتخلي الحقنه تشتغل علي اكتر من استر يعني بالنسبه للسوستانون بتشتغل من تاني التعاطي لان فيه استر قصير الي هو البروبيونات وده الي بيخلي السوستانون تختلف عن تستوستيرون تاني زي الانانثات الي هي السيدو تستون وهانتكلم عنها بعدين بالنسبه بقا لاستخدام السوستانون دي بقا بتسمع عن ناس بتستخدمها بطريقه جامده اوي لاكن احنا كالعادة هانتكلم في حدود المعقول طبعا بتختلف من لاعب مبتدا للاعب متقدم
اللاعب المبتدئ بياخد من 250 مج الي 500 مج في الاسبوع يعن 2 امبول 250 تركيز كل واحد في الاسبوع اما الاعب المتقدم بياخد من 500 مج في الاسبوع الي 750 مج واحيانا 1000 مج وعلي فكره في ناس بتاخد اكتر بس منصحكوش باكتر من كده وطبعا غالبا الاعب بياخدها مع الديكا علشان الضخامه العضليه وفي ناس بتاخدها مع استنازول ووينسترول علشان تحصل علي عضل صافي شكله جميل بالنسبه بقا للاعراض الجانبيه بردوه معروفه للجميع ومع ذلك هاقولها علشان الي ميعرفش يعرف طبعا هي بتتحول لاستوريجين لان عملية الارمطه بتتم مع التستوستيرون لما بيذيد وده اكبر عيوبها هو ومشكله الجينوكوماستيا الي هيا بتبوظ شكل حلمة الصدر كمان بيقلل افراز التستوستيرون الي الخصيه بتفرزه طبيعي طبعا بقا الاعراض العاديه الي مفيش منها خوف هههههههه زي العدوانيه اما بقا بالنسبه لفتره الي بيستمر فيها اثر الديكا في الجسم او فترة الكشف عنها فبتبقي حوالي 3 شهور تقريبا طبعا السوستانون موجوده في الصيدليات بتركيز 100 مج وده ملناش دعوه بيه احنا لينا دعوه ب 250 وبتبقي علبه فيها امبول واحد وسعرها 4 جنيه في الصيدليات وبكده اعتقد ان احنا جمعنا معلومات عن الديكا بشكل مبسط للي عاوز يعرف عنها معلومات وان شاء الله المره الي جايه ناخد منشط جديد وهو هايبقي السيدوتستون وانا حبيت ابدا بالمنشطات الي بتتباع في الصيدليات علشان بتبقي شعبيه وقريبه للاعب
والله الموفق





المره دي بقا هناخد السيدوتستون لانها تستوستيرون علشان نعمل شبه مقارنه بينها وبين السوستانون لان الاتنين تستوستيرن

السيدوتستون منشط اندروجيني زي السوستانون بس الفرق ان السيدوتستون استر واحد الي هو الانانثات بخلاف السوستانون اربع استرات وقلناهم قبل كده بالنسبه للسيدوتستون بتحجز مياه في الجسم وعلشان كده بيزود الوزن وقلنا قبل كده عيب احتجاز المياه ايه وميزتها ايه كمان السيدوتستون بيزود الاكسجين الي بيوصل للعضلات وبيزود كرات الدم الحمراء في لاعيبه بتاخد مع الانانثات وينسترول علشان يتفادي مشكلة احتجاز المياه بالنسبه بقا لفترة عمر النصف ليه بتبقي حوالي 10 ايام وعلي فكره الانانثات في شبه كبير من السيبونات بس بتختلف ان السيبونات فترة عمر النصف بتاعتها اكبر بيومين لاكن هما متشابهين كتير في التعامل وطبعا زي ما قلنا السيدوتستون استر واحد بخلاف السوستانون بالنسبه بقا للسيدوتستون بتستخدم زي السوستانون تقريبا للاعب المبتدا من 250 مج ال500 مج في الاسبوع واللاعب المتقدم من 500 مج الي 750 مج وغالبا بتستخدم في فترة الضخامه مع الديكا وبتستخدم مع منشطات تانيه كتير مفيهاش مشكله لاكن انا باتكلم علي الكورسات الشعبيه بالنسبه للعراض الجانبيه بتسبب تضخم البروستاتا وطبعا بتتحول لاستروجين علشان بتحصل ارمطه للتستوستيرون الزائد علشان كده لازم تستخدم معاها مضادات استروجين وطبعا بتقلل انتاج التستوستيرون الطبيعي وحب الشباب بالنسبه للفتره الي بيستمر فيها المنشط في الجسم او فترة الكشف عن المنشط بتبقي حوالي 3 شهور طبعا السيدوتستون موجوده في الصيدليات ومتوفره وبردوه زي السوستانون في تركيز 100 مج لكن ده زي ما عرفنا انه بيبقي ضعيف فبيبقي استخدامنا لل250 مج وبتبقي علبه فيها امبول واحد سعرها 4.5 جنيه وبكده يبقي قدرنا نجيب معلومات عن اكتر 3 منشطات شعبيه ومتوفرين في الصيدليات للجميع يعني سهل الحصول عليهم والمره الي جايه ان شاء الله ناخد منشط جديد
والله الموفق

معزره الموضوع لم يكتمل معلش هاحجز بس شوية ردود علشان ابقي اكتب فيها المنشطات الي جايه ان شاء الله علشان لو حد من الاعضاء كتب رد يبقي الاصناف كلها تحت بعض وان شاء الله الموضوع هايكمل في خلال يومين ان شاء الله والله الموفق















المنشط الي عليه الدور هو منشط مهم جدا جدا وبيستخدم في كورسات كتيييييييييييير ودايما يجي مع الديكا والتستوستيرون المنشط ده الانابول الي هو الدينابول لاني لما هاتكلم عن واحد منهم كاني بتكلم عن التاني لانهم زي بعض بالظبط مش بيختلفوا غير في التركيز بتاع الماده الفعاله لانها في الانابول 5 مج والدينابول 10 مج وبالمناسبه طالما جبنا سيرة الماده الفعاله نقول اسمها بالمره وهي الميثاندينون

اريد كورس هرموني قوي

علشان تعمل كورس لازم اعرف انت سنك كام ووزنك وبقالك اد ايه بتلعب وعلى العموم ده ايميلى لو محتاجى اى حاجه
dream_<img src="images/smilies/love...._boy@yahoo.com

مشكوعلى القرص الجميل دة

عايز اسال عن الكمية الامنة من الدنابول واية افضل حاجة ممكن اخدها مع الدنابول عشان اعمل ضخامة للعضل وتكون العضلة صافية بس التكون الحاجة ال جنب الدنابول متكونش حقن تكون حبوب او سائل او بودر وياريت لو فى حاجة اقوى من الدنابول قولى عليها ولو فى كورس احلى من دة ممكن تقولى علية بس يكون رخيص وفى حدود العقول وللعلم انا بلعب من 2.5 سنة والطول 178 الوزن 75 وانا الحمد لله بشيل اوزان حلوة اوى

برنامج تنشيف من عنده ارجو الافاده