العــفـــــــــــريت على كرســـــى الاعتراف

بيييس يعم الحج انا جاي عشان اروق معاك شويه :d


انتظرني

مرحبا بالسيد المدير
نورت الموضوع
فين يا سيدى اسئلتك
انا مستنيها على فكرة
هاااات ما عندك يا سير باسم

[center]

	[center]بسم الله نبدآ

	البطاقة : الاسم العمر التحصيل الدراسي العمل الهواية 1- ما هو شعورك الان على كرسي الاعتراف 2- ما هو رأيك با لاعضاء( الصراحه)[/center] 3:هل تعتراف با لحب عن طريق النت ؟ 4-هاي كلمات واوصف بيها اي عضو يستاهلها سريع نشيط هادىء رومانسي مؤدب مدلع مفقود مميز مبدع 5-جمل بسيطه لمن تهديها احبج يا اغلى انسانه انت رفيق عمري شكرا على كلشي انا اسف أأمر وتدلل تستاهل الي صارلك انت مو قد الامانه تشرفت بمعرفتك انت انتهيت تعلمت منك كثير 6-من الاشخاص الذين تركوا بصمه في حياتك اعذرني اذا طولت عليك تحياتي

]

بجد ميرسى لمشاركتك المميزة والجميله يا انووش

بالنسبة للاجابات

الاسم / محمد عبد السلام الطنطاوى
العمر / 24 سنه الا 4 شهور
التحصيل الدراسى / طالب بالفرقه الرابعه كلية تربيه رياضيه جامعة طنطا
العمل / مسئول النشاط الرياضى وادارى فريق الباسكيت بنادى سيجر
مسئول عن احدى شبكات توصيل النت للمنازل فى سيجر
الهوايه / تحكيم باسكيت ... تحكيم مش ممارسه

1 - شعورى وانا على كرسى الاعتراف .. هو احساس كويس ... بيخلينى اقول كل اللى فى قلبى ... يمكن بيدينى الفرصه انى اتفاهم مرة تانيه مع نفسى واشوف عيوبى واخطائى اللى عملتها .... بس بتعب جدا من التفكير فى الاجابات البعيده ... زى احسن صدفه واوحش صدفه سؤال ميزو

2 - رأيى فى الاعضاء .... طبعا الاعضاء كلهم شخصيات محترمه ... برغم ان القلة منهم بس هى اللى بتشارك بالمواضيع والردود ... يا ريت نشوف مشاركات الناس اللى بتدخل تقرأ المواضيع وتمشى بس من غير ما تقول رأيها ايه

3 - الحب على النت موجود ... بس نسبة نجاحه تقريبا لا تتعدى 10 %

4
سريع
باسم

نشيط
بندقة

هادئ
ابو ميار

رومانسى
رومانسى طبعا

مؤدب
بندقة

مدلع
شوشو

مفقود
سورى .. مش اعرف حد مفقود ... انا معارفى لسه قليلين على المنتدى

مميز + مبدع
ميزوووووو

5
احبك يا اغلى انسان
ست الحبايب طبعا

انت رفيق عمرى
مراتى لما الاقيها ان شاء الله

انا اسف
انا صعب انى اعتذر لأى انسان

أأمر وتدلل
اخواتى

تستاهل اللى صارلك
العفريت

انت مش قد الامانه
الحمد لله لا يوجد

تشرفت بمعرفتك + انت انتهيت + شكرا على كل شئ
حبى الاول

تعلمت منك كثير
حبيبتى دلوقتى

مرة تانيه بشكرك يا انوش على الاسئله الجميله وصيغة الكتابه المميزة ... ويا رب تكون اجاباتى كويسه بالنسبة لأسئلتك
بعتذر عن ذكرى اسم واحد بس فى خانة مؤدب ... كل الاعضاء طبعا محترمين ومؤدبين بس الاجابه كانت بتتطلب اسم واحد

بجد مش عارفه اقولكم ايه اسئلتك مميزه جداااااااااااا انوش ميرسى ليكى يا قمر
وبجد يا عفريت اجابات مميزه جداااااااا ورائعه واجمل مافيهم ردودك التى تتسم بالصراحه
وميرسى ليك جداااااااااااااا على كلامك
واتمنى ليك التوفيق فى حياتك العلميه والعمليه

انوش انا بعتذر على نسيانى الاجابة على السؤال الاخير .. السؤال السادس

بالنسبة للناس اللى سابت بصمه واضحه وصريحه وكبيرة فى حياتى ... هما مش كتير
اولهم طبعا والفضل كل الفضل يرجعلها للى انا فيه دلوقتى .... امى
تانى شخصيه ... خالى ... اللى عرفنى اساسا على الباسكيت و حببنى فيه
تالت شخصيه ... المدير الفنى اللى وجهنى لمجال الادارة الرياضيه واللى خلانى ابقى ادارى

هما دول اكتر تلت شخصيات اثروا فيا وفى حياتى وهما السبب فى اللى انا وصلتله دلوقتى

انا جيت عشان اسئلك

س1:ايه اللى اتعلمته من الحياه لحد دلوقتى ؟ وياترى من ضمن اللى استفدته من الحياه قدرت تحدد امتى هتكون مناسب انك تتقدم لوحده؟ولو عرفت ده هيكون امتى؟

س2:من وجهه نظرك "لو فى بنت بتكلم شخص على النت او على الموبيل بتحس انها بتحبه وحساه فى كل كلمه بيقولها ليها حتى كلمه بحبك لكن لما بتكون ادامه مش بتحس كلامه" ياترى من وجهه نظرك هى بتحبه والا لا؟

س3:عرفنا بنفسك فى ثلاث كلمات؟وما هى أهم طموحاتك؟وماهى سلبياتك وايجابياتك من وجهه نظرك؟

س4:لو فى شخص جيه قالك انا بحبك أختك بس مش فى امكانى اتقدم ليها دلوقتى وادامى فتره كذا يعنى حدد ليك فتره وبعدها هايجى يتقدم ليها رسمى ؟ السؤال هتعمل ايه معاه عايزه رد تلقائى مش رد بعد تفكير000000وفى نفس الوقت هتعمل ايه مع أختك نفسها؟

س5:أملأ الفراغات التاليه بالأعضاء المناسبين..!!!



1- (( . . . )) عضو توقيعه جميل .


2- (( . . . )) عضو نشيط بصراحة .


3- (( . . . )) عضو مجتهد .


4- (( . . . )) عضو خفيف دم .


5- (( . . . )) عضو واثق من نفسه .


6- (( . . . )) عضو داخل مزاجكـ .

7- (( . . . )) عضو تتمنى تلتقي به .


8- (( . . . )) عضو بتحس أنه مثقف .


9- (( . . . )) عضو نفسك تعرف معنى اسمه .

10- (( . . . )) عضو نفسك تغير اسمه .


11- (( . . . )) عضو بتحس انه يفهمك .


12- (( . . . )) عضو نفسك تقوله ( كلامك صحيح دائما )0


13- (( . . . .)) عضو يناسبه لقب ( الطموح ) .


14 ـ (( . . . )) عضو بتحس انه خفاش دايما يرد بسرررعه ......


15 ـ (( . . . )) عضو عاجبك اسمه ونفسك تتعرف عليه0


16 ـ (( . . . )) عضو يستحق الإشراف .


17- (( . . . )) عضو نفسك تطلع معاه .


18 - (( . . .)) عضو يستاهل الأحترام والتقدير.


19 -(( . . .)) عضو تعطية درجة امتياز بجدارة على طريقة طرحه للمواضيع.


20 - ((...)) عضو ودك تقوله أحبك والقمر يشهد .
اتمنى ان تنال اسئلتى اعجابك واعجاب الجميع واتمنى انها تكون خفيفه
واتمنى عدم وجود اسئله تدايقك او تدخل منى فى خصوصيات حياتك
احنا هنا اسره واحده فعشان كده اديت نفسى الحق انى اسأل اسئله مختلفه حتى لو كانت تتعمق فى حياتك
وسورى لو طولت عليكم

متشكر جدا على اسئلتك الجميله يا بندقه
انتى عضو من اتنين كنت مستنى اشوف اسئلتهم
بندقه وسير باسم

الاٍجـــابــــات

1 - فيه مواقف كتير حصلتلى فى حياتى اتعلمت منها حاجات كتير اوى .... قرارات كنت باخدها بطريقه غلط ومن غير تفكير او بتفكير متسرع ... ندمت على جزء كبير اوى منها ان لم يكن كلها .... المواقف دى علمتنى او اعتقد يعنى انى اتعلمت منها انى مش اخد اى قرار الا لما اكون عارف نتايجه كويس اوى والتزاماتى بالنسبه للقرار اللى انا هاخده ده هتكون ايه ... ويا ترى انا هقدر انفذ الالتزامات دى ولا مش هقدر
بالنسبة امتى اكون مناسب انى اتقدم لواحده .... انا راسم لنفسى طريق وبحاول انى انفذه ... هو طبعا رسم الطريق ده اتأخر كتير ... بس ان شاء الله ربنا يقدرنى واقدر انفذ اللى انا بحلم بيه .... انا مش ناوى ارتبط باى انسانه الا لما اكون قادر انى اروح اقعد فى البيت عندها واهلها يطلبوا منى طلب واكون قادر انى اوافق على كل طلباتهم مهما كانت .... بمعنى انى اكون اشتغلت شغلانه كويسه بتجيبلى دخل كويس يقدر يعيشنى انا وعروستى فى مستوى ان لم يكن احسن من المستوى اللى هى كانت عايشه فيه ... فعلى الاقل يكون فى نفس مستوى معيشيتها ..
والكلام ده طبعا مش هيحصل الا لما اخلص دراستى الاول و اكون نفسى والموضوع ده مش هياخد وقت اقل من سنتين من دلوقتى ... ده لو ربنا وفقنى ومشيت فى طريقى زى ما انا بتمنى

2 - البنت اللى تحب انسان على النت بس وفى الواقع مش بتحس بيه حتى ... ده مش يبقى حب ... ده مجرد اعجاب بشخصية الانسان ده على النت وبس
واعتقد حرام عليها لو اوهمته انها بتحبه ... او سابته يحبها وهى احساسها كده .... لازم تصارحه بمشاعرها اللى هى حساها ناحيته ... فى الواقع ... وعلى الايميل او على النت
بعدين معتقدش انه لما يتجوزها لو ربنا ارادلهم الجواز يعنى ... معتقدش انهم هياخدوا جهازين كمبيوتر معاهم فى شقتهم وكل لما تحب تحس حبه ... تقعده ادام جهاز وهى تقعد ادام التانى وتقوله يلا يا حبيبى نحب بعض شويه

3 - اعرفكوا بنفسى فى تلت كلمات
عصبى جدا
متسرع احيانا
طيب ودائما بتفهم غلط
انا طموحاتى زى اى انسان طبيعى فى الدنيا دى كلها
نفسى اخلص دراستى علشان اريح امى وارضيها مع انى عارف ومتأكد انى مش هشتغل بمؤهلى الدراسى
نفسى اشتغل فى وظيفه تكون كويسه وتشرفنى اولا لما اروح ااتقدم للانسانه اللى هرتبط بيها
نفسى اكون اهل لثقة حبيبتى فيا ... و اكون قادر انى اسعدها

4 - الموقف ده حصل معايا بالفعل .... واحد صاحبى معايا فى الكليه هو اصغر منى بس بحكم الدراسه اصبح صاحبى ... اعجب باختى وهى كمان بادلته نفس الشعور .... بس من غير ما حد فيهم يقول للتانى
انا حسيت انها متغيره ... سألتها ... وطبعا كنت ملاحظ اللى بيحصل فقلتلها على اسمه .. قالتلى بس هو والله مش قالى حاجه ... قلتلها طيب لما نشوف بقى هو هيعمل ايه
الولد طلع محترم فعلا وجه كلمنى وقالى انا معجب باختك وادامى سنه واجى اتقدملها رسمى ... قلتله انا مش عندى مانع ... بس خلال السنه دى مش عاوز اى حاجه تحصل زياده عن اللى بيحصل دلوقتى ... يعنى تقابلها مثلا صباح الخير صباح النور مش اكتر ... ماشى ... قالى ماشى .. وقلتلها نفس الكلام والمفروض اننا اتفقنا
بعد فترة ... ابتدى بقيت اصحابى يلاحظوا ان صاحبى ده بيقابل اختى وبيقفوا مع بعض وبيتكلموا كتير ... وابتديت اسقط من نظر معظمهم على اساس بقى انى عارف ومطنش او مكبر دماغى ... ومش رضيوا يقولولى علشان مش يزعلونى او يزعلوا منى ... انا لاحظت تغير فى المعامله معاهم ... سألتهم اتكلموا معايا حصل كذا وكذا وكذا
طبعا انا كان منظرى زى الزفت ادام اصحابى كلهم وادام الناس اللى يعرفونى ..... اتصلت بيه ... وقلتله احنا مش كان بينا اتفاق ... قالى ايوة ... قلتله وانت مش نفذته ... قالى اصل ... قلتله لا اصل ولا فصل ... الموضوع يابنى كده خلاص انتهى ... المفروض انى اتفقت مع راجل ... اذا كنت انت مش طلعت راجل فى اتفاقك معايا ... هتكون راجل وتيجى تتقدملها زى ما بتقول ... اصدقك ازاى انا
اذا كنت انا كنت موافق فى الاول .... دلوقتى انا بقولك لو شفتك بتقولها حتى صباح الخير مش هيحصل كويس
وقلتلها هى كمان نفس الكلام
المفروض ان الكلام ده كان يتنفذ ... بس للأسف برده مش نفذوه ... قعدت معاه تانى وقلتله التالته تابته ... لو انت فعلا جيت اتقدمتلها ... وكنت انت اخر راجل فى العالم ... انا هكون من اول الرافضين للموضوع ... وروحت البيت قلت لامى وخالى وحكيتلهم على الموضوع لاول مرة ... وهما نفسهم رفضوا الموضوع ووصلوله رفضهم والموضوع انتهى وخلاص
انا كانت مشكلتى كلها فى الموضوع ده ... الاحترام ... زى ما انا احترمت الشخصين ... كان لازم هما كمان يحترمونى ويحترموا الكلام اللى اتفقنا عليه ... مفيش احترام .. يبقى مفيش ثقه ... يبقى مفيش اى حاجه بعد كده

5 - الفراغات التالية

عضو توقيعه جميل
Prince Of Love

عضو نشيط ... وبصراحه
بندقه

عضو مجتهد
بندقة

عضو خفيف الدم
شوشو

عضو داخل مزاجى
انوش

عضو اتمنى التقى بيه
باسم

عضو بحس انه مثقف
ابو ميار

عضو نفسى اغير اسمه
mena
لانى مش عارف اقرأه
. منه ولا مينا

عضو بحس انه فاهمنى
انا نفسى مش فاهم نفسى ... هلاقى اللى يفهمنى
عضو نفى اقوله كلامك صحيح دائما
معتقدش ان فيه عضو كلامه دايما صح ... اكيد لازم يكون فيه نسبة خطا
لا يوجد

عضو يناسبة لقب الطموح
انوش

عضو بحس انه خفاش دايما يرد بسرعه
سير باسم

عضو عاجبنى اسمه ونفسى اتعرف عليه
سيما 2
عضو يستحق الاشراف
ابو ميار - بندقة

عضو نفسى اطلع معاه ( اخرج معاه يعنى )
ميزو

عضو يستاهل الاحترام والتقدير
سير باسم
هو سبب تعارفنا على باقى الاعضاء

عضو يستاهل امتياز وبجداره
بندقه

عضو اقوله احبك والقمر يشهد
www.shabcool.com


بجد يا بندقة اسئله رائعه واتمنى ان اجاباتى تكون وصلت لمستوى الاسئله
شكرا ليكى على الموضوع والمشاركات والاسئله