|
|
|
|
|
| ||
الإهداءات |
|
|
|||||||
| التسجيل | التعليمـــات | قائمة الأعضاء | المجموعات الإجتماعية | التقويم | البحث | مشاركات اليوم | اجعل كافة الأقسام مقروءة |
| كرسى الاعتراف كرسى الاعتراف |
 |
|
|
LinkBack | أدوات الموضوع | إبحث في الموضوع | انواع عرض الموضوع |
02-10-2009, 11:22 PM
|
رقم المشاركة : 11 | ||
اولا السلام عليكم كيفك يابندقه وميرسي للاعضاء على النشاط والمشاركات دى انا هسالك كام سؤال خفيف كده 1/مر عليكى احساس بالحزن ومكنتيش عارفه من ايه الاحساس ده ؟ ولو مر عملتى ايه؟ 2/لو حسيتى انك مظلومه قوى ومش عارفه تاخدى حقك من اللى ظلمك ومش قادره تدعى عليه هتعملى ايه؟ 3/لو مره ماشيه في الشارع وواحد وقفك عشان يسال عن عنوان مكتوب في ورقه معاه وانتى بتشوفي العنوان وتوصفي له مكانه شافك اخوكى او ابوكى وتصور انك بتكتبي له رقمك مثلا هتعملى ايه سؤال جريئ بس لازم تجاوبي 4/لو اتعزمتى عند حد وانتى بتاكلى لقيتى الارز فيه صرصار هتعملى ايه 5/لو الباب خبط وفتحتى لقيتى واحد متعرفهوش بس وسيم جدا وشكله محترم جدا ولقتيه بيقولك انا بحبك وعايز اتجوزك هتعملى ايه (لو قفلتى الباب في وشه هزعل منك قوى ) كفايه عليكى كده النهارده
|
|||
|
|
02-11-2009, 05:22 AM
|
رقم المشاركة : 12 | ||
|
ميرسى ليكى جدااااااا على مرورك واهتمامك بالموضوع 1/مر عليكى احساس بالحزن ومكنتيش عارفه من ايه الاحساس ده ؟ ولو مر عملتى ايه؟ فعلا مر عليه كتير اوووووى الاحساس ده بصراحه مش بعمل اى حاجه بفضل ساكته مش بعرف اتعامل مع اى حد ساعتها لانى بكون عصبيه فوق ماتتخيلى فابفضل بدل ما اجرح حد بكلمه مش اقصدها بفضل افضل ساكته لحد ما اهدا واخرج من المود اللى انا كنت فيه 2/لو حسيتى انك مظلومه قوى ومش عارفه تاخدى حقك من اللى ظلمك ومش قادره تدعى عليه هتعملى ايه؟ بصراحه هحاول اسامحه على اللى ظلمنى فيه مجرد محاوله مع انى مش بعرف اسامح حد يظلمنى او يغلط فيه بس هو ممكن اشيل منه جوايا وخلاص وادينى عرفت اللى قدامى على ايه 3/لو مره ماشيه في الشارع وواحد وقفك عشان يسال عن عنوان مكتوب في ورقه معاه وانتى بتشوفي العنوان وتوصفي له مكانه شافك اخوكى او ابوكى وتصور انك بتكتبي له رقمك مثلا هتعملى ايه بصراحه ولا اى حاجه لانى مجرد انى ابدى خوف من ان والدى شافنى او اخويا يبقى انا كده عملت حاجه غلط لكن لو اتصرفت عادى على طبيعتى اكيد هيكون فى مجال ان والدى او اخويا هيجوا والشخص ده واقف يشوفوا فى ايه وساعتها هيعرفوا انى مش كنت بعمل حاجه غلط000ده رأى بمنتهى الصراحه ورأى شخصى ممكن يتفق معايا ناس وممكن ناس تعترض 4/لو اتعزمتى عند حد وانتى بتاكلى لقيتى الارز فيه صرصار هتعملى ايه هعمل انى شبعت واقوم من على الاكل عشان مش احرج اهل البيت 000واستاذن انى عايزه ادخل اغسل ايدى واى موقف بقى كنت هعمله هعمله وانا بغسل ايدى زى مثلا انى اجيب اللى فى معدتى 000وده مجرد مراعاه لشعور اهل البيت0000 5/لو الباب خبط وفتحتى لقيتى واحد متعرفهوش بس وسيم جدا وشكله محترم جدا ولقتيه بيقولك انا بحبك وعايز اتجوزك هتعملى ايه هو اكيد رد طبيعى انى هقفل الباب0000بس عشان خاطر مش تزعلى ساعتها هقوله ثوانى واطلعله اخويا وهو يتعامل معاه اتمنى ان تنال ايجاباتى اعجابك واعجاب الاعضاء وهى دى ردودى بمنتهى الصراحه وميرسى ليكى جدااااااا على اسئلتك
التعديل الأخير تم بواسطة بندقه ; 02-11-2009 الساعة 05:25 AM .
|
|||
|
|
|
02-11-2009, 06:03 AM
|
رقم المشاركة : 13 | |||||||||
|
||||||||||
|
|
|
02-11-2009, 07:06 PM
|
رقم المشاركة : 14 | ||
|
أسئلتى
السلام عليكم ورحمه الله وبركاته ********************** قبل الأسئله بس فى ناس كتبت 3 وناس كتبت 5 وناس كتبت 7 أسئله انا حكتب سبعه زى أحد الأعضاء والله لو أكتفيتى بخمسه يابندقه حسب القوانيين عادى أوكى وأسف على تأخيرى فى دخول قسم كرسى الأعتراف لتوقف النت عندى مستعده خلاص قريتى الفاتحه توكلنا على الله ......... 1 ______ 2 ______ 3______ <.><.><.><.><.><.><.><.><.><.><.><.><.><.><.><.><. ><.><.><.><.> Go Go Go 1_ شعورك أيه وأنتى على كرسى الأعتراف بأمانه ؟ 2_ لو حد زعلان منك ايه الهديه الى ممكن تقدميها ليه وياترا حتكتبى عليها أيه ؟ 3 _ مين أكتر حد دخل حياتك وأثر بالسلب أو بالأيجاب ؟ 4 _ لو كنتى بتحبى انسان وهو بيحبك ولكن مكنش راضى يعرفك لائنه خايف انه يخصرك وقبل ما يعرفك دخل شخص تانى حياتك مقتحمها لانه بيحبك وعمل كل حاجه علشانك فى الدنيا وبعدين جم الاثنين لخطبتك ...تختارى مين؟ 5_ موقف ليكى أتعاملتى فيه بوجهيين وكلما تذكرتيه تحزنى ؟ 6 _ ماهو الموقف الأكثر احراجا الذى تعرضتى له فى حياتك ؟ 7 _ هتعملى ايه لو جوزك جه فى يوم وقالك مش هتشتغلى ولازم تقعدى فى البيت وتربى العيال وتاخدى بالك من الطبيخ بدل ما احنا بناكل معلبات ؟ خلصت وعندى أسئله كتير بس ياترا عندك أعتراض لو سئلت تانى خلى بالك الموافقه مش سهله لان لو الأسئله دى صعبه قيرط صدقينى الى بعدها حتبقى صعبه 24 قيراط . MeZO..
|
|||
|
|
|
02-12-2009, 05:34 AM
|
رقم المشاركة : 15 | ||
|
ميرسى ليك جدااااااا ميزو على اسئلتك الجميله وطبعا ليك الحق انك تسأل زى ما انت عايز للان العضو العفريت مش حدد عدد الاسئله فابتالى متاح للكل اى عدد من الاسئله 1_ شعورك أيه وأنتى على كرسى الأعتراف بأمانه ؟ بصراحه مبسوطه اهى فرصه للاعضاء الجدد تتعرف بينا ونتعرف على بعض من خلال الاسئله ومبسوطه جدااااااا من الاعضاء اللى شاركت معانا فى الموضوع ومبسوطه اكتر بالاسئله .....ومستنيه المزيد منهم وشرف ليه طبعا ان الاعضاء الجمال يدخلوا ويسألونى 2_ لو حد زعلان منك ايه الهديه الى ممكن تقدميها ليه وياترا حتكتبى عليها أيه ؟ اولا انا مش بعرف اقدم هدايا كاعتذار عن موقف عملته زعل حد منى ....هى كلمه اسفه لان كل اصحابى عارفين انى مش بتأسف الا لما اكون عملت حاجه كبيره تزعل حد منى....بمعنى ان كل اللى يعرفونى عارفين ان كلمه اسفه اللى ممكن اقولها معناها كبير اوووووى اكبر من اى هديه بس هى انسانه فعلا اللى لو زعلتها منى دى اللى ممكن اديها هديه وهى (عمرى كله مش كفايه كاعتذار عن اى شىء عملته زعلها منى ) والست دى هى ( أمـــــــى) اللى ممكن اكتبه ليها مقدرش اعيش لحظه وانتى زعلانه منى 3 _ مين أكتر حد دخل حياتك وأثر بالسلب أو بالأيجاب ؟ الشخصيه اللى اثرت فى حياتى .. هو شخص كنت مرتبطه بيه وكان موضوع ارتباط رسمى بس مش حصل نصيب أثر عليه بالايجاب : عرفنى يعنى ايه حب حقيقى.... عرفنى يعنى ايه حياه....يعنى ايه حياتى يكون ليها هدف ولازم اصمم عشان احققه والحمدلله دلوقتى عندى حلم كبير فى حياتى وعديت اول خطوه فى تحقيقه .....دوره الايجابى فى حياتى انه فوقنى من حاجات كتير أثر عليه بالسلب : سايب بصمه كبيره اووووى جوايا 4 _ لو كنتى بتحبى انسان وهو بيحبك ولكن مكنش راضى يعرفك لائنه خايف انه يخصرك وقبل ما يعرفك دخل شخص تانى حياتك مقتحمها لانه بيحبك وعمل كل حاجه علشانك فى الدنيا وبعدين جم الاثنين لخطبتك ...تختارى مين؟ الشخص اللى يخاف انه يخسر انسانه يبقى ده بيحب بجد لانه حتى وهى معاه مجرد صديقه خاف يصرح بمشاعره لا يفقدها وده شعور مش بقى موجود فى زمانها الا قليل اوووووووى كاختيار : هختار اللى بيحبنى وبحبه 5_ موقف ليكى أتعاملتى فيه بوجهيين وكلما تذكرتيه تحزنى ؟ بصراحه انا مش بعرف اتعامل بوشين لانى واللهى انا زى ما انا فى البيت فى الكليه فى المنتدى فى اى مكان انا زى ما انا بتصرف على طبيعتى مش بعرف اكون بوشين 6 _ ماهو الموقف الأكثر احراجا الذى تعرضتى له فى حياتك ؟ بصراحه فى ناس كتير ممكن مش تصدق كلامى بس انا مش مريت بموقف محرج لحد دلوقتى واللهى انا اخدت وقت كتير وفكرت كويس بس مش لقيت 7 _ هتعملى ايه لو جوزك جه فى يوم وقالك مش هتشتغلى ولازم تقعدى فى البيت وتربى العيال وتاخدى بالك من الطبيخ بدل ما احنا بناكل معلبات ؟ اولا انا ساعه لم اتجوز ويكون عندى اولاد ان شاء الله هوفق بين شغلى وبيتى ومش هيدخل بيتى طعام معلب اما بالنسبه لسؤالك... انا لما احس ان شغلى شغلنى عن بيتى وجوزى واولادى هسيب الشغل من نفسى مش هستنى ان جوزى اللى يطلب منى حاجه زى دى لانهم من مسؤلياتى بمعنى انى انا اول واحده اقدر احس ان كنت مقصره فى حقهم والا لا ...واللهى لو هو طلب منى كده واانا حسيت ان كلامه صح اكيد هقعد من الشغل لكن لو كان بيقولى كده عشان اقعد فى البيت وخلاص ... سورى هتناقش معاه واعرفه انى مش هقعد لانى مش شايفه انى قصرت فى حاجه .... بس وفى المناقشه يا اقنعه يا يقنعنى ميرسى ليك جداااااااااااااااااا ليك واتمنى ان اجاباتى تكون على نفس مستوى اسئلتك ومستنيه باقى الاسئله منك ومن باقى الاعضاء...... وانا فعلا جاوبت بكل صراحه
|
|||
|
|
|
02-12-2009, 07:20 PM
|
رقم المشاركة : 16 | ||
|
الدفعه التانيه من الأسئله
السلام عليكم ورحمه الله وبركاته ********************** أنا بشكرك على ردك على أسئلتى وكدا بجد القسم هنا حيولع ويخلق مشاركات كتيره وجميله بس فين بقيه الأعضاء ياريت يدخلوا وبالنسبه لبقيه الأسئله . ^ ^ ^ ^ ^ 1 _ مكان نفسك تسافرى ليه ياترا ايه هو ومع مين ؟ 2 _ أيه أكتر حاجه ممكن تخوفك ؟ 3 _ بندقه بتحب أيه وبتكره أيه ؟ 4 _ ياترا بتخافى من الخيانه طاب ياترا حصلتلك قبل كدا وعملتى أيه ؟ 5 _ مين اكتر عضو اتخنقتى منه فى موضوع أو رد ؟ 6 _ ماذا تمثل لكى تلك الكلمات؟ الفلوس الماضى الحاضر المستقبل الحلم الأنسان الحياه الحب بندقه شاب كول (المنتدى) 7 _ أيه رأيك فى الحب والزواج على النت ؟ 8 _ ياترا حدود الصداقه عندك ممكن توصل لحد فين وامتى تقولى خلاص لو اتعدت ؟ 9 _ أيه الى بتحبيه فى الرجل وأيه الى بتكرهيه فيه ؟ 10 _ عرفتيه وعرفك كلمتيه وكلمك حبتيه جدا لكن هو لا وانتى مش عارفه السبب مع انه معاكى كويس جدا دامت معرفتكم فى الكليه مثلا شهور وممكن سنه وبعدين قالك عايزك تكلميلى فلانه أعز أصحابك لانى بحبها ياترا حتعملى أيه ؟ كفايه كدا رضا بس بجد ومن غير كسوف وانا عادى تحت امرك لو عايزه تتسئلى تانى حكون موجود المره دى 10 أسئله ممكن يقلوا المره الجايه يبقوا 20 بس لان مشكلتى ان الأسئله عمرها ما بتخلص . MeZO..
التعديل الأخير تم بواسطة MeZO ; 02-12-2009 الساعة 07:22 PM .
|
|||
|
|
|
02-13-2009, 03:21 AM
|
رقم المشاركة : 17 | ||
|
متميز فعلا ميرسى ليك يا جميل على مجهودك الجميل معانا واهتمامك بالموضوع وياسيدى براحتك هات كل الاسئله اللى عندك انا مستعده 1 _ مكان نفسك تسافرى ليه ياترا ايه هو ومع مين ؟ اليكس ........لوحدى عايزه اقعد مع نفسى شويه منى للبحر 2 _ أيه أكتر حاجه ممكن تخوفك ؟ غدر الدنيا 3 _ بندقه بتحب أيه وبتكره أيه ؟ طبعا انت مش محدد من ناحيه ايه فا يارب ردى يكون كافى للى بتسأل عليه بحب والدتى واخويا مووووووووووووت بحب اصحابى جدااااااااااااا بحب الرومانسيه بحب اليكس جدااااااا بحب الشخصيه اللى تكون اد كلمتها والواضحه فى كلامها وتوفى بأى وعد توعد بيه بكره الخيانه....الكدب.....الظلم بكره الشخصيه اللى بوشين يعنى ادامك حاجه ومن وراك حاجه تانيه بكره الشخصيه اللى تلعب بمشاعر الناس بكره الشخصيه اللى لما مثلا اسأل حد سؤال بعدها يرد ويسألنى نفس السؤال ما اكره على قلبى انى اتصل بحد ومش يرد عليا بكره اللى بيحصل فى فلسطين والعراق وغيرها من الدول العربيه 4 _ ياترا بتخافى من الخيانه طاب ياترا حصلتلك قبل كدا وعملتى أيه ؟ مش بخاف .... بس مش بحبها من اكتر الاشياء اللى بكرهها فى حياتى...لانى جربتها وعارفه يعنى ايه اقرب الناس ليك يخونوك......اى نعم اتصدمت لما حسيت بالخيانه من اقرب الناس ليه وهى صحبتى .......بس عرفت بقى الانسانه دى على ايه وواجهتها بالى عملته ولما انكرته حطيتها فى امر واقع وقولتلها عمرى ما هسامحك فى حياتى كلها لحد ما اموت 5 _ مين اكتر عضو اتخنقتى منه فى موضوع أو رد ؟ لا مش فى بجد كل الاعضاء اعضاء محترمه جدااااااااااااا ومميزه جداااااااااا 6 _ ماذا تمثل لكى تلك الكلمات؟ الفلوس لا شىء.... مش بحتاجها الا فى الدراسه عشان مستلزمات الكليه غير كده مفيش....لانها سلاح ذو حدين زى ما بتنفع فى حاجات ضررها اكبر لانها ممكن تدمر حياه شاب او بنت الماضى عدى وفات الحاضر فتره مهمه جدااااا فى حياتى لانى فيها بدأت احقق جزء من احلامى المستقبل مشرق ان شاء الله الحلم مش بعيد عن متناول اى شخص الأنسان لغز كبير اووووووى صعب انك تعرف تحله الحياه الم كبير اوى وغداره... اتمنى اشوف منها الوشح الحلو الحب أسمى من ان اى انسان يقدر يعرف معناه بندقه سورى يا ميزو انا سايبه بقى ردى على (بندقه) ليكم انتوا ....... شاب كول (المنتدى) جميل اووووووووى ومميز جدااااااا وأتمنى من كل قلبى انه يبقى أفضل وأحسن منتدى دايما .... والفضل طبعا لسير باسم اولا ومن ورائه الاعضاء الجمال جداااااااااا 7 _ أيه رأيك فى الحب والزواج على النت ؟ من وجهه نظرى مش ليه معنى ..... اى نعم اه ممكن انسان يحس انه بيحب شخصيه معينه من على النت بس مش هيبقى فى تواصل دائم بينهم لما يتجوزوا لان الكلام المباشر ليه عامل وفرق كبير جداااااا من الكلام على النت ومن وجهه نظرى لما يبقوا ادام بعض بيبقى فى وضح اكتر لان كل انسان ليه نظره فى اللى ادامه وطبعا مش بتظهر على النت ......لان فى ناس ممكن تجمل حقيقتها على النت فا ده مش هنكتشفه الا بالمواجهه......اتمنى يكون اللى اقصده وصل ليكم 8 _ ياترا حدود الصداقه عندك ممكن توصل لحد فين وامتى تقولى خلاص لو اتعدت ؟ حدود الصداقه ....اه ممكن اعرف ناس ووقت ما يحتاجونى يلاقونى بسمع وادى رأى ... طبعا الكلام بيكون فى حدود الادب....ومعروف من الاول ان احنا اصحاب بس عشان محدش ينجرف بمشاعر للتانى.....مفيش تهريج باليد ...يعنى زى ما بنشوف اليومين دول ممكن اى ولد يهرج مع بنت ممكن يخبطها على دراعها او ظهرها وتقولك اصلنا اصحاب لا مفيش كده .... 9 _ أيه الى بتحبيه فى الرجل وأيه الى بتكرهيه فيه ؟ انا تقريبا جاوبت فوق عن الحاجات دى بحب انه يكون عارف ربنا طبعا لانه هيراعى اللى ادامه ادام عارف ربنا سواء كان مع اصحابه او الانسان اللى بيحبها اما يكون رومانسى وبالذات صوته واطى مش يكون بيتكلم فى التليفون والناس كلها تبقى سامعه صوته اما يكون بيعرف يقدر الانسانه اللى بين ايديه اما يكون واضح فى كل شىء ...يعنى قبل ما يرتبط بواحده كحب وكده يقولها واللهى انا ظروفى كذا ومش هعرف اتقدملك رسمى الا كمان فتره كذا وهى بقى ولو هتقدر تستنى الفتره دى خلاص اتفقوا اما يهتم بالانسانه اللى هو مرتبط بيها واهم شىء يكون اد كلمته بكره في الراجل انه يشرب سجاير انه مش يكون بيصلى انه يكون مهرج بمعنى يهرج زياده عن اللزوم عشان يلفت نظر البنات انه مش يراعى مشاعر الانسانه اللى هو مرتبط بيها انه يكون كداب انه تكون معاملته وحشه مع والديه 10 _ عرفتيه وعرفك كلمتيه وكلمك حبتيه جدا لكن هو لا وانتى مش عارفه السبب مع انه معاكى كويس جدا دامت معرفتكم فى الكليه مثلا شهور وممكن سنه وبعدين قالك عايزك تكلميلى فلانه أعز أصحابك لانى بحبها ياترا حتعملى أيه ؟ هروح فى ساعتها اتكلم مع صحبتى لو لقيت فى حاجه من ناحيتها ليه هقولها انه هو كمان بيحبها واوفق بينهم ومش بعيد اوفق ليهم ميعاد يتفاهموا ويتكلموا مع بعض اما لو مش فى حاجه من ناحيتها ليه هروح اقوله وهو بقى ليه حريه الاختيار ساعتها اللى بيحب بيتمنى يشوف اللى بيحبه سعيد حتى لو مش معاه اتمنى ان تنال اسئلتى اعجابكم ويارب اكون جاوبت كويس ومستنيه تفاعل باقى الاعضاء وبردو يا ميزو لو عندك اسئله جميله تانى انا مستعده ومستنيه وميرسى ليك جدااااااا على الاسئله المتميزه ومستنيه اعرف النسبه اللى هاتديهانى على اجاباتى
|
|||
|
|
|
02-13-2009, 04:43 PM
|
رقم المشاركة : 18 | ||
|
طبعا اعلى نسبه وانتى قد التحدى الى على كرسى الاعتراف نسبه صراحتك عاليه جدا مع ان فى بعض الدبلوماسيه ودا شئ عادى مش مخالف للصراحه لانها مش أثرت عليها انا بتمنى ان الاعضاء يدخلوا يتفاعلوا معانا اكتر وعايز اقولك حاجه يا بندقه انتى براءه تقدرى تفرقوا الشربات MeZO..
|
|||
|
|
|
02-14-2009, 03:09 AM
|
رقم المشاركة : 19 | ||
|
ميرسى ليك جداااااااا على ردك الجميل وبجد واللهى ولا دبلوماسيه ولا اى حاجه هى دى الحقيقه وميرسى جداااااااا على البراءه والنسبه كمان وننتظر تفاعل باقى الاعضاء
|
|||
|
|
|
02-17-2009, 03:54 AM
|
رقم المشاركة : 20 | ||
|
والله يا جماعه فعلا تفاعلكوا مع الموضوع بيدل على حاجه واحده بس وهو اهتمامكوا بالعضوة النشيطه والمشرفه الكبيرة بندقه وبجد اسئله جامده يا ميزو انت وانوش وسيما ..... واجابات لا اروع ولا اجمل ولا اكثر صراحه من كده منك يا بندقه اعذرونى عن تغيبى فترة عن الموضوع بس والله فعلا الشغل كان كتير واكل العيش انتوا عارفين طعمه عامل ازاى
التعديل الأخير تم بواسطة el3afreeet ; 02-17-2009 الساعة 04:05 AM .
|
|||
|
|
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شاب كول على كرسى الاعتراف | romancy | كرسى الاعتراف | 26 | 11-05-2009 03:51 PM |
| الاعتراف *********هل تملك الجراءه******** | الملكة المتوجة | النقاش العام | 6 | 03-15-2009 02:11 AM |
| ##### كرسى الاعتراف #### | romancy | كرسى الاعتراف | 11 | 03-04-2009 10:40 PM |
| رومنسى على كرسى الاعتراف: | romancy | كرسى الاعتراف | 18 | 02-27-2009 08:45 PM |
| كينج اشرف على كرسى الاعتراف | romancy | كرسى الاعتراف | 4 | 06-24-2008 10:45 PM |
منتديات , دردشة مصرية , توبيكات , دليل مواقع , يوتيوب , تحميل صور , منتدي , العاب بنات
صقر , تعلب , توبيك , العابك , شات الحب , الحب , توبيكات
العرض العادي
